Category Archives: LatestNews
യുവാവിന് 10 വർഷം കഠിന തടവ്
കൊല്ലത്ത് സിന്തറ്റിക് മയക്കുമരുന്നുമായി പിടിയിലായ യുവാവിന് 10 വർഷം കഠിന തടവ്. കഴിഞ്ഞ വർഷം ജൂലൈ 20ന് കൊല്ലം എക്സൈസ് സ്പെഷ്യൽ സ്‌ക്വാഡിന്റെ നേതൃത്വത്തിൽ നടത്തിയ റെയ്ഡിലാണ് കാരിക്കുഴി സ്വദേശി അമൽ (25) പിടിയിലായത്. ഇയാളിൽ നിന്ന് 80 ഗ്രാം മെത്താംഫെറ്റാമിൻ ആണ് അന്ന് കണ്ടെടുത്തത്. കൊല്ലം അസിസ്റ്റന്റ് എക്സൈസ് കമ്മീഷണർ യഥാസമയം അന്വേഷണം പൂർത്തിയാക്കി കുറ്റപത്രം കോടതിയിൽ സമർപ്പിച്ചു, പ്രതി റിമാൻഡിലായിരുന്നു. ബഹുമാനപ്പെട്ട കൊല്ലം അഡീഷണൽ സെക്ഷൻസ് കോടതി ജഡ്ജി ശ്രീമതി. ബിന്ദു സുധാകരനാണ് വിധി പ്രഖ്യാപിച്ചത്. കേസ് കണ്ടെത്തി 17 മാസത്തിനുള്ളിൽ വിചാരണ നടപടികൾ പൂർത്തിയാക്കി പ്രതിക്ക് അർഹമായ ശിക്ഷ നൽകാൻ സാധിച്ചത് പ്രശംസനീയമായ നേട്ടമാണ്.
10 വർഷം കഠിനതടവും ഒരു ലക്ഷം രൂപ പിഴയും
കണ്ണൂരിൽ മെത്താംഫെറ്റാമൈനുമായി പിടികൂടിയ പ്രതിക്ക് വടകര എൻഡിപിഎസ് കോടതി 10 വർഷം കഠിനതടവും ഒരു ലക്ഷം രൂപ പിഴയും വിധിച്ചു. 2022 ഒക്ടോബർ 30ന് പിണറായി എക്സൈസ് റേഞ്ച് സംഘം മമ്പറം പൊയനാട് സ്വദേശി ഇസ്മയിലിനെ 156.744 ഗ്രാം മെതാംഫിറ്റമിൻ എന്ന മയക്കുമരുന്നുമായി കാറിൽ മയിലുള്ളി മെട്ടയിൽ വെച്ച് പിടികൂടി.
വർണ്ണോത്സവം 2023
സ്കൂൾ വിദ്യാർത്ഥികൾക്കായി കനകക്കുന്ന് നിശാഗന്ധിയിൽ നടത്തിയ ചിത്രരചനാ മത്സരത്തിലെ വിജയികൾക്കും പ്രോത്സാഹന സമ്മാനം ലഭിച്ചവർക്കും അഭിനന്ദനങ്ങൾ
കൊറിയർ വഴി മയക്കുമരുന്ന് വില്പ്പ ന യുവാവിന് 24 വർഷം കഠിന തടവ്
2022 മാർച്ച് മാസം 16 ന് 1.52 ഗ്രാം LSD,1.435 കി.ഗ്രാം ഹാഷിഷ് ഓയിൽ,2.74 ഗ്രാം MDMA ,3.15 ഗ്രാം കൊക്കൈൻ എന്നീ മയക്കു മരുന്നുകളുമായി കോഴിക്കോട് മാങ്കാവ് സ്വദേശിയായ ഫാത്തിമ ഹൗസിൽ അബ്ദുള്‍ റഹിമാന്‍ മകന്‍ ഫസലു എന്നയാളെ ടിയാന്റെ വീട്ടിൽ വെച്ച് മയക്കുമരുന്ന് സഹിതം കോഴിക്കോട് എക്സൈസ് സര്‍ക്കിള്‍ ഇന്‍സ്പെക്ടറും സംഘവും അറസ്റ്റ് ചെയ്തത് . ഉത്തരമേഖല എക്സൈസ് ക്രൈം ബ്രാഞ്ച് സർക്കിൾ ഇൻസ്പെകര്‍ ആർ എൻ ബൈജുവിന്റെ നേതൃത്വത്തിലുള്ള ക്രൈം ബ്രാഞ്ച് സംഘം ടി കേസ്സിന്റെ അന്വേഷൻണം നടത്തുകയും പ്രതി റിമാണ്ടിലിരിക്കെത്തന്നെ കുറ്റ പത്രം സമര്‍പ്പിക്കുകയും ചെയ്തു.വിചാരണ പൂര്‍ത്തിയാക്കിയ വടകര NDPS സ്പെഷ്യൽ കോടതിയാണ് ഒന്നാം പ്രതി ഫസലുവിനെ 1.52 ഗ്രാം LSD കൈവശം വച്ചതിന് 13 വർഷം കഠിന തടവും ഒന്നരലക്ഷം രൂപ പിഴയും ,1.435 കി.ഗ്രാം ഹാഷിഷ് ഓയിൽ കൈവശം വെച്ച് കുറ്റത്തിന് 10 വർഷം കഠിന തടവും ഒരുലക്ഷം രൂപ പിഴയും 2.74 ഗ്രാം MDMA ,3.15 ഗ്രാം കൊക്കൈൻ എന്നിവ കൈവശം വെച്ച് കുറ്റത്തിന് 6 മാസം വീതം തടവിനുമായി മൊത്തം 24 വർഷം ശിക്ഷ വിധിച്ചത്. ശിക്ഷ ഒന്നിച്ച് അനുഭവിച്ചാല്‍മതി.
ഡി-അഡിക്ഷന്‍ സെന്ററുകള്‍
നോവല്‍ കൊറോണ വൈറസ് (കോവിഡ് 19) ന്റെ വ്യാപനത്തിനുള്ള സാധ്യത മുന്നില്‍ കണ്ട് ആയതിനെ പ്രതിരോധിക്കുന്നതിനായി സ്വീകരിച്ചിരിക്കുന്ന മുന്‍കരുതല്‍ നടപടികളുടെയും രാജ്യവ്യാപകമായി 25.03.2020 മുതല്‍ നടപ്പാക്കുന്ന 21 ദിവസത്തെ ലോക്ക്-ഡൗണിന്റെയും ഭാഗമായി സംസ്ഥാനത്തെ വിവിധ കള്ള്/ വിദേശമദ്യ ലൈസന്‍സ് സ്ഥാപനങ്ങള്‍ പ്രവര്‍ത്തിക്കുന്നതല്ല. ഈ സാഹചര്യത്തില്‍, മദ്യത്തിന്റെ ലഭ്യത ഇല്ലാതാകുന്നതുമൂലം ആളുകള്‍ക്കുണ്ടാകാനിടയുള്ള ശാരീരിക/മാനസിക പ്രശ്നങ്ങള്‍ പരിഹരിക്കുന്നതിന് ആവശ്യമായ സാഹചര്യങ്ങളില്‍, എക്സൈസ് വകുപ്പിന്റെ നിയന്ത്രണത്തിലുള്ള ചുവടെ ചേര്‍ക്കുന്ന വിമുക്തി ഡി-അഡിക്ഷന്‍ സെന്ററുകളുടെ സേവനം പ്രയോജനപ്പെടുത്തേണ്ടതാണ്.
| ജില്ല | വിലാസം | റുടെ (എക്സൈസ്) മൊബൈല്‍ നം. |
||
|---|---|---|---|---|
| തിരുവനന്തപുരം | ജനറല്‍ ആശുപത്രി, നെയ്യാറ്റിന്‍കര | |||
| കൊല്ലം | രാമറാവൂ മെമ്മോറിയൽ ആശുപത്രി, നെടുങ്ങോലം | |||
| പത്തനംതിട്ട | താലൂക്ക് ആശുപത്രി, റാന്നി | |||
| ആലപ്പുഴ | ജില്ലാ ആശുപത്രി, ചെങ്ങന്നൂര്‍ | |||
| കോട്ടയം | ടൗൺ ഗവൺമെന്റ് ആശുപത്രി, പാല | |||
| ഇടുക്കി | ജില്ലാ ആശുപത്രി, ചെറുതോണി | |||
| എറണാകുളം | താലൂക്ക് ആശുപത്രി, മൂവാറ്റുപുഴ | |||
| തൃശ്ശൂര്‍ | താലൂക്ക് ആശുപത്രി, ചാലക്കുടി | |||
| പാലക്കാട് | ട്രൈബല്‍ സ്പെഷ്യാലിറ്റി ആശുപത്രി, കോട്ടത്തറ | |||
| മലപ്പുറം | ഗവൺമെന്റ് ആശുപത്രി, നിലമ്പൂര്‍ | |||
| കോഴിക്കോട് | ഗവൺമെന്റ് ബീച്ച് ആശുപത്രി, കോഴിക്കോട് | |||
| വയനാട് | ജനറല്‍ ആശുപത്രി, കൈനാട്ടി, കല്പറ്റ | |||
| കണ്ണൂര്‍ | താലൂക്ക് ആശുപത്രി, പയ്യന്നൂര്‍ | |||
| കാസര്‍കോട് | താലൂക്ക് ആശുപത്രി, നീലേശ്വരം |
ആശുപത്രി പ്രവേശനം ആവശ്യമില്ലാത്ത സാഹചര്യത്തിൽ കൗൺസലിങ്ങിന് വേണ്ടി തിരുവനന്തപുരം, കോഴിക്കോട്, കൊച്ചി നഗരങ്ങളിലുള്ള താഴെ പറയുന്ന വിമുക്തി കൗൺസിലിംഗ് സെന്ററുകളുമായി ബന്ധപ്പെടാവുന്നതാണ്.
| ഡോ. ലിഷ എസ്. | സൈക്കോളജിസ്റ്റ് | നാലാം നില, എക്സൈസ് ആസ്ഥാന മന്ദിരം, നന്ദാവനം, തിരുവനന്തപുരം | ||
| വിനു വിജയന്‍ | സോഷ്യോളജിസ്റ്റ് | നാലാം നില, എക്സൈസ് ആസ്ഥാന മന്ദിരം, നന്ദാവനം, തിരുവനന്തപുരം | ||
| ശരണ്യ | കൗണ്‍സിലര്‍ | താഴത്തേ നില, എക്സൈസ് കോമ്പ്ലക്സ്, കച്ചേരിപ്പടി, എറണാകുളം | ||
| ഷിജോ ആന്റണി | കൗണ്‍സിലര്‍ | താഴത്തേ നില, എക്സൈസ് കോമ്പ്ലക്സ്, കച്ചേരിപ്പടി, എറണാകുളം | ||
| സിയാ വി.കെ. | കൗണ്‍സിലര്‍ | സര്‍ക്കാര്‍ യു.പി. സ്കൂള്‍, ചിന്തവളപ്പ്, കസബ പോലീസ് സ്റ്റേഷന് സമീപം, ജയില്‍ റോഡ്, കോഴിക്കോട് | ||
| ശരത്ത് എസ്. നായര്‍ | കൗണ്‍സിലര്‍ | സര്‍ക്കാര്‍ യു.പി. സ്കൂള്‍, ചിന്തവളപ്പ്, കസബ പോലീസ് സ്റ്റേഷന് സമീപം, ജയില്‍ റോഡ്, കോഴിക്കോട് |
എക്സൈസ് കലാ-കായിക മേള
17-ാമത് സംസ്ഥാന എക്സൈസ് കലാ-കായിക മേള കോഴിക്കോട് ദേവഗിരി സെന്റ് ജോസഫ് കോളേജില്‍ വച്ച് 2019 നവംബർ 8, 9, 10 തീയതികളിലായി സംഘടിപ്പിച്ചു. ബഹുമാനപ്പെട്ട തൊഴില്‍-എക്സൈസ് വകുപ്പ് മന്ത്രി ശ്രീ. ടി.പി. രാമകൃഷ്ണൻ അവറുകൾ മേള ഉത്ഘാടനം ചെയ്തു. അദ്ദേഹം കായിക മേളയുടെ പതാക ഉയർത്തുകയും മാർച്ച് പാസ്റ്റിൽ സലൂട്ട് സ്വീകരിക്കുകയും ചെയ്തു.
സമാപന സമ്മേളനം ബഹുമാനപ്പെട്ട ഗതാഗത വകുപ്പ് മന്ത്രി ശ്രീ. എ.കെ. ശശീന്ദ്രൻ അവറുകൾ ഉത്ഘാടനം ചെയ്തു. വിജയികൾക്കുള്ള ട്രോഫികളും വിതരണം ചെയ്തു. 2019-ലെ കലാ-കായിക മേളയിൽ എറണാകുളം ഡിവിഷൻ ചാമ്പ്യന്‍മാരായി.
ലഹരി വിരുദ്ധ പ്രോഗ്രാം
ഈഗിൾ മീഡിയയും എക്സൈസ് വകുപ്പും ചേർന്ന് പത്തനംതിട്ട, കൊല്ലം ജില്ലകളിൽ സംഘടിപ്പിക്കുന്ന 75-മത് ലഹരി വിരുദ്ധ ബോധവത്കരണ പരിപാടിയുടെ ഉദ്ഘാടനം എ.ഡി.ജി.പി.യും എക്സൈസ് കമ്മീഷണറുമായ ശ്രീ. എസ്. ആനന്ദകൃഷ്ണൻ ഐ.പി.എസ്. കൂടൽ വൊക്കേഷണൽ ഹയർ സെക്കന്ററി സ്കൂളിൽ വച്ച് 07/09/2019 തീയതി നിർവ്വഹിച്ചു. ലഹരി വിരുദ്ധ സെമിനാറിനൊപ്പം പുനലൂർ പ്രണവ് ഹോസ്പിറ്റലിമായി സഹകരിച്ച് സൌജന്യ മെഡിക്കൽ ക്യാമ്പും നടത്തി.
സ്വാതന്ത്ര ദിനാഘോഷം
73-ാം സ്വാതന്ത്ര ദിനത്തിന്റെ ഭാഗമായി തിരുവനന്തപുരം സെൻട്രൽ സ്റ്റേഡിയത്തിൽ സംഘടിപ്പിച്ച സംസ്ഥാന തല ആഘോഷങ്ങളിൽ എക്സൈസ് കമ്മീഷർ ശ്രീ. എസ്. ആനന്തകൃഷ്ണണൻ പങ്കെടുത്തു. സ്വാതന്ത്ര ദിന പരേഡിൽ എക്സൈസ് വകുപ്പിനെ പ്രതിനിധീകരിച്ച് ഒരു പ്ലറ്റൂൺ പങ്കെടുത്തു. എല്ലാ ജില്ലാതല ആഘോഷ പരിപാടികളിലും എക്സൈസ് പ്ലറ്റൂണുകൾ പരേഡിൽ പങ്കെടുത്തു.
എക്സൈസ് ആസ്ഥാനത്ത് അഡീഷണൽ എക്സൈസ് കമ്മീഷണർ (എൻഫോ) ശ്രീ. സാം ക്രിസ്റ്റി ഡാനിയേൽ ദേശീയ പതാക ഉയർത്തി. എക്സൈസ് ആസ്ഥാനത്തെ എല്ലാ ജീവനക്കാരും പരിപാടിയിൽ പങ്കെടുത്തു. കൂടുതൽ ചിത്രങ്ങൾ>>
ലഹരി വിമുക്ത ജ്യോതി
അമരവിള എൽ.എം.എസ്. ഹയർ സെക്കന്ററി സ്കൂളിൽ സംഘടിപ്പിച്ച ലഹരി വിമുക്ത ജ്യോതി പ്രതീക്ഷയുടെ കൈമാറ്റം എന്ന ലഹരി വിമുക്ത ബോധവത്കരണ പരിപാടി എക്സൈസ് കമ്മീഷണർ ശ്രീ. അനന്തകൃഷ്ണൻ ഐ.പി.എസ്. ഉത്ഘാടനം ചെയ്തു. സമൂഹത്തെ കാർന്ന് തിന്നുന്ന മഹാ വിപത്തായി മദ്യവും ലഹരി വസ്തുക്കളും മാറിയ ഇന്നത്തെ സാഹചര്യത്തിൽ ലഹരി ഉപയോഗത്തിന്റെ ദൂഷ്യ വശങ്ങൾ കുട്ടികൾ അറിഞ്ഞിരിക്കേണ്ടതിന്റെ ആവശ്യകതയെക്കുറിച്ചും മദ്യവിരുദ്ധ പ്രവർത്തനങ്ങളിൽ വിദ്യാർഥികളുടെ പങ്കാളിത്തത്തെക്കുറിച്ചും എക്സൈസ് കമ്മീഷണർ കുട്ടികളെ ഓർമപ്പെടുത്തി. മദ്യ വിരുദ്ധ പ്രവർത്തനങ്ങളെ ഏകോപിപ്പിച്ച് ഒരു പുതിയ തലമുറയെ സൃഷ്ടിക്കാൻ നാം പ്രതിജ്ഞാ ബദ്ധമാണെന്ന് അദേഹം പറഞ്ഞു. കേരള മദ്യ നിരോധന സമിതി സംസ്ഥാന പ്രസിഡൻറ് ശ്രീ. കെ.പി. ദുര്യോധനൻ അധ്യക്ഷത വഹിച്ച യോഗത്തിൽ സ്കൂൾ പ്രിൻസിപ്പൽ ശ്രീമതി. ജെ.എസ്. ഉഷാകുമാരി സ്വാഗതം ആശംസിക്കുകയും ബഹുമാനപ്പെട്ട കമ്മീഷണർ കുട്ടികൾക്ക്, ലഹരി വിമുക്ത പ്രതിജ്ഞ ചൊല്ലിക്കൊടുക്കുകയും, ലഹരി വിമുക്ത ദീപശിഖ സ്കൗട്ട് & ഗൈഡ് ക്യാപ്റ്റൻമാർക്ക് കൈമാറുകയും ചെയ്തു. പരിപാടിയിൽ സംസ്ഥാന – ജില്ലാ മദ്യ വിരുദ്ധ സമിതി നേതാക്കൾ ബോധവത്കരണ പ്രഭാഷണങ്ങൾ നടത്തി. കൂടുതൽ ചിത്രങ്ങൾ>>
